Home Aktualitet Kryetari i Zhelinës sjell vendimin e madh për qytetarët e komunës së...

Kryetari i Zhelinës sjell vendimin e madh për qytetarët e komunës së tij

Komuna e Zhelinës ka ndërmarrë një mision human, që për herë të parë po ndodhë në rajonin e Pollogut.
Sipas një njoftimi të komunës do të dilet në ndihmë të gjitha rasteve të rënda sociale, jetimëve dhe familjeve pa kulm mbi kokë.

Ja apeli i plotë:

Një apel deri tek të gjithë ata që fjalën boshe e kanë kryevepër e të cilët tentojnë të n’a kritikojnë se nuk paskemi shtruar Iftar për skamnorët.
Iftari nuk zgjidh problemet e skamnorëve!

Të nderuar,
Mesazhi Hyjnorë i iftareve është afrimi mes nesh, zbutja e zemrave të ngurta, falja, rregullimi i raporteve tona duke e shprehur respektin ndaj tjetrit; dashuria, mirënjohja dhe kujtimi ndaj atyre që sakrifikojnë për këtë shoqëri, dhe gjithë ata që janë pjesë e pandashme e jona.

Që të mos ndalemi tek fjalët sepse fjalët pa veprim konkret ngelen vetëm fjalë dhe nuk i zgjidhin problemet.

Andaj, Komuna e Zhelinës apelon publikisht tek të gjithë ju që njihni raste të rënda sociale në vendbanimet e komunës së Zhelinës, si fëmijë jetimë apo familje të cilët #nuk_kanë_streh apo kulm mbi kokë, ju lutemi të n’a lajmëroni në numrin e kontaktit 044/378-030 ose paraqitni rastet e ngjashme në Komunën së Zhelinës.

Komuna e Zhelinës do t’a marrë përsipër zgjidhjen e problemit të kulmit dhe strehimit për këto raste – familje.”, thuhet në njoftimin e komunës së Zhelinës që drejtohet nga Blerim Sejdiu i Lëvizjes BESA. (INA)

Loading...