Home Opinione Shkrimtari i njohur: Përse terroristi islamik në Vjenë nuk ishte shqiptar!

Shkrimtari i njohur: Përse terroristi islamik në Vjenë nuk ishte shqiptar!

Nga Gazmend Kapllani

Terroristi islamist në Vjenë dje nuk ishte shqiptar: ishte austriak me origjinë shqiptare (Maqedonia). E them këtë sepse në Austri lindi, u rrit dhe u radikalizua.

Për më shumë nuk veproi dhe nuk mund të vepronte në emër të shqiptarëve sepse nuk ka asnjë thërrime të historisë apo psikozës sonë kombetare që kërkon ndëshkimin apo hakmarrjen kundër Vjenës, Austrisë apo menyrës së jetesës dhe vlerave perendimore.

I vetmi regjim armiqësor kundër Perendimit në historinë e Shqiperisë ishte ai komunist, i cili ishte ateist dhe nuk ka asnjë lidhje me terrorizmin islamist (ka lidhje me terrorin Stalinist).

Se përse nje djal i ri vendos të vrasë njerez të pafajshëm dhe ta mbush shpirtin dhe mendjen e tij me urrejtje aq të zezë, me bomba, thika, dhe xhamadane vetvrases besoj se nuk mund te shpjegohet duke lexuar kuranin por librat e psikiatrise (edhe atehere nuk jam i sigurte se mund te kuptohet plotesisht).

Nder viktimat e terroristit dje ishte edhe nje shqiptar i vrare dhe nena e tij e plagosur (ende nuk eshte sqaruar nese Shqiptaret e vrare dhe te lenduar ishin austriak me origjine shqiptare apo shqiptare te lindur ne Struge).

Politikanet Shqiptare ne Shqiperi, Kosove, Maqedoni dhe Mal te Zi duhet te dalin pa humbur kohe dhe te shprehin solidaritetin e tyre me popullin e Vjenes dhe ate austriak dhe te denojne terrorizmin islamist qe eshte dhe anti-njerezor dhe anti-shqiptar.

Shqiptaret nuk kane asnje shkak pse te ndjehen fajtor dhe ata qe duan ti bejne te ndjehen fajtor jane njerez që u duan të keqen shqiptareve.

Mos t’u lene pra hapesire dashakeqasve te shqiptareve te cilet ketu e dy shekuj mundohen ti paraqesin shqiptaret si barbare dhe terroriste – duke perligjur keshtu barbarizmin dhe terrorizmin kunder shqiptareve.

Shqiperi, Kosove, Maqedoni: shpalosni publikisht flamurin austriak ne shenje solidariteti me nje popull dhe nje qytet qe na lidhin kaq shume gjera.

Mos te harrojme qe shume prej intelektualeve shqiptare e quanin Vjenen kryeqytetin e tyre te trete dhe disa nga albanologet me te shquar u linden dhe krijuar ne Vjene!

Loading...