Home Kronika Kërkohej në Kosovë, 19-vjeçari kapet me armë zjarri në Tiranë, tentoi të...

Kërkohej në Kosovë, 19-vjeçari kapet me armë zjarri në Tiranë, tentoi të vrasë mjekun në spitalin e Prishtinës (Emri-Video)

Një 19-vjeçar nga Kosova ka rënë në prangat e Policisë së Tiranës, pasi u kap me armë zjarri me vete teksa ishte duke drejtuar një automjet pa leje.

Mësohet se në pranga ka rënë shtetasi Uranik Agushi, i cili rezulton në kërkim nga shteti kosovarë.

19-vjeçari në muajin shtator 2020, në një spital në Prishtinë, ka goditur me thikë në tentativë për ta vrarë një doktor të spitalit, duke e plagosur rëndë.

Tiranë

Informacion shtesë në lidhje me arrestimin e 19-vjeçarit kosovar që qarkullonte me armë zjarri me vete dhe drejtonte automjetin pa leje drejtimi.

Në lidhje me arrestimin e shtetasit U. A. që drejtonte mjetin pa leje drejtimi, të cilit gjatë kontrollit fizik iu gjet një armë zjarri, ju informojmë se:

Shtetasi U. A., nga verifikimet e mëtejshme të kryera nga Interpol Tirana, në bashkëpunim me ILECU Kosovë, ka rezultuar se ishte person në kërkim për llogari të Kosovës, për veprën penale “Vrasja e mbetur në tentativë”.

Gjykata Themelore në Prishtinë ka nxjerrë urdhër-arrestin për këtë shtetas, i cili i është dërguar Interpol Tiranës, me qëllim ekstradimin e tij drejt Kosovës.

Ky shtetas, në muajin shtator 2020, në një spital në Prishtinë, ka goditur me thikë në tentativë për ta vrarë një doktor të spitalit, duke e plagosur rëndë.

Sqarojmë se shtetasi U. A., në momentin e ndalimit nga ana e Policisë Rrugore, për kontrollin e dokumentacionit, ka braktisur mjetin dhe ka tentuar të largohet me vrap, por është kapur së bashku me armën e zjarrit, gjatë ndjekjes nga partullat e përgjithshme të Komisariatit të Policisë Nr. 4 Tiranë.

ILECU Kosovë, në bashkëpunim me Interpol Tirana, vijon punën për ekstradimin e këtij shtetasi drejt Kosovës.

Loading...
Previous articleRrëmben foshnjën, polici amerikan vret agresorin 37-vjeçar… (VIDEO)
Next articleI martuar 18 herë, nuset nga Vlora deri në Lezhë: 69-vjeçari tregon historinë e pazakontë të jetës së tij