Home Lajmet kryesore Zbulohen masat ekstreme në Shqipëri, fundjava në karantinë totale, si ndryshon orari...

Zbulohen masat ekstreme në Shqipëri, fundjava në karantinë totale, si ndryshon orari i lëvizjes gjatë javës

Komiteti Teknik ka hedhur idenë për karantine 2 javore, por më shumë gjasa shtrëngimi i masave që pritet të bëhet me dije ditën e nesërme nga Ministria e Shëndetësisë është zgjerim i orës policore, që do nisë nga 18:00 e mbrëmjes deri në 06:00 të mëngjesit.

Gjithashtu, bëhet me dije se pritet një karantinë totale në fundjavë, me të shtunat e të dielat që mund të rikthejnë dhe njëherë tjetër kujtimet e muajit mars të një viti më parë.

Shkak për masat ekstreme është zinxhiri i transmetimit të covid-19 me infektimet që janë rritur ndjeshëm dhe të pa përgjegjshmit, të cilët nuk qëndrojnë të karantinuar duke infektuar dhe persona të tjerë.

Të dhënat e 24 oreve të fundit me 19 të vdekur dhe spitalet e mbushur me paciente detyrojnë Ministrinë e Shëndetësisë dhe Komitetin Teknik të shkojnë në këto hapa.

Pavarësisht zërave gjithçka do të vuloset nesër nga komunikimi i Ministrisë së Shëndetësisë në lidhje me çfarë pritet të ndodhë në vijim. /G.SH/

Bonus video:

Loading...