Home Kronika “Operacioni antidrogë i organizuar në Krujë”, Zëri Amerikës: Në dy vitet e...

“Operacioni antidrogë i organizuar në Krujë”, Zëri Amerikës: Në dy vitet e fundit ka pasur rritje të kultivimit, vëzhgimi ajror ishte shumë i ulët

Në operacion u angazhua një numër i madh forcash , përfshirë dhe njësitë specialë të policisë. Gjithçka është ndjekur nga afër nga drejtuesit më të lartë të Policisë.

Sipas burimeve zyrtare, sinjalizimi për sipërfaqe të mbjella me cannabis erdhi fillimisht nga vrojtimi ajror i avionëve special të Guardia di Finanza-s italiane, e cila ka nisur monitorimin që prej mesit të muajit maj.

Gjatë kontrolleve, policia ka gjetur përveç parcelave të mbjella me fidanë, edhe sera ku kultivohej marijuana, apo dhe mjedise të mbyllura ku rritja e cannabis sativas stimulohej përmes ndriçuesve të fuqishëm.

Deri pasdite, burime nga policia bënë të ditur për të paktën 10 arrestime, ndërkohë që operacioni mësohet të jetë ende në vijim e sipër.

Në dy vitet e fundit, gjatë 2019-ës dhe 2020-ës, kultivimi i cannabis sativa-s ka patur një tendencë në rritje, pas një tkurrjeje të ndjeshme që u regjistrua në vitin 2018, kur u shkatërruan pak më shumë se 35 mijë rrënjë, ndërsa sipërfaqja e zbuluar nga vëzhgimi ajror nuk e kalonte 1 hektar. /VOA/

Loading...
Previous article“Dhunë, dëbime të paligjshme, abuzime”, DW: Azilkërkuesit në Greqi janë të frikësuar nga arrestimet pa vendim gjykate që bën policia greke
Next articleRezultati tronditës nga profesorët anglezë/ Kinezët krijuan koronavirusin dhe më pas u përpoqën të mbulonin gjurmët e tyre!